Қыздар жиналысы

Әлия Молдағұлова атындағы орта мектебінде 11- қазан Халықаралық қыздар мерекесіне орай 7-11 сынып қыздар арасында директордың тәрбие ісі-жөніндегі орынбасары Ш.С. Илкибаева, мектеп психологы Г.Т.Жауғашева, "Қыз жібек"  қыздар клубының жетекшісі Б. К. Жылқыбаеваның ұйымдастыруымен қыздармен әңгімелесе отырып, ар-намысын, сұлулығын жоғары қоя біліп, жұрт алдында абыройлы болуға тәрбиелеу. Зиянды әрекеттерге еліктеудің, қызығудың өмірлеріне қауіп тудыратынын ескерте отырып, ибалы, инабатты, сыпайы, ізеттілікке тәрбиелеу мақсатында жиналыс өткізілді. Жиналыс барысында мектеп психологы Гауһар Тасболатқызы "Қыздар сұлу көрінер қылығымен " тақырыбында психологиялық тренинг жүргізді. Жылқыбаева Бота қыздарға сұрақ-жауап қою арқылы қыздардың бойына жақсы қасиеттерді сіңіре білді. Жиналыс соңында директордың тәрбие ісі-жөніндегі орынбасары Ш. С. Илкибаева қыздарды бүгінгі мерекесімен құттықтап, қыздар бойларына тек жақсы қасиеттерді сіңіріп, үлгі  аларлықтай болып жүрулеріне тілектес екенін білдіріп жиналысты қорытындылады.