«Ақын – елдің ардағы» тақырыбында кездесу

Әлия Молдағұлова атындағы орта мектебінде «Жомарт түлек» жобасы аясында Қазақстан Республикасының мәдениет қайраткері,айтыскер  -  ақын,ауылымыздың тумасы Асқартегі Базарбай Мамытұлымен «Ақын – елдің ардағы» тақырыбында кездесу өткізілді.Кездесуге мектебіміздің 5 – 11 сынып оқушылары қатысты.

Кездесуде  Базарбай Асқартегі өзінің ауылына арнаған «Ауылым» 

Таза ауа дәрусің,

Жағаң жайлау жерің шым.

Кеңітер тыныс кең далам,

Жәннәтім менің өзіңсің.

Сайран құрған сауығым,

Бөлтірік би ауылым.

Сендер деп соғат жүрегім,

Ағайын туыс бауырым...... деп жүрек жарды ән шашуымен сөзін бастап,оқушылар көкейлерінде жүрген сұрақтарын қойып,мағынасы терең жауаптар алды.Оқушыларымыз ақын ағамыздың туындыларынан өлеңдерін оқып,ән шашуларын тарту етті.

Кездесу соңында мектеп директоры Қ.М.Бабасова «Ақынын құрметтеген ел озады, ақынын сыйламаған ел тозады» дегендей,сізге қалай құрмет көрсетсек те артықшылық етпейді- дей келе,бізді сусындатар сарқылмас мәңгі жырларыңыздың алдында басымызды иеміз. Жыр әлеміндегі туындыларыңыз ешқашан сарқылмасын.Сүйіп тыңдар оқырмандарыңыз көп болсын – деп рахметін жеткізді.