Әлия Молдағұлова атындағы орта мектебінде халық ауыз әдебиетінің айшықты бөлімі мақал-мәтелдерді орынды қолдана алу, шаршы топ алдында сөз жүйесін таба білу мақсатында  бастауыш сынып мұғалімі Н.Садықованың ұйымдастыруымен 3-4 сыныптар арасында "Мақал- сөздің маржаны" тақырыбында сайыс сабағы өткізілді. Сайыс соңында белсенділігімен көзге түскен оқушылар марапатталды.

Әлия Молдағұлова атындағы орта мектебінде "Бастауыш сыныптар" айлығы барысында мұғалімдердің біліктілігін және ой-ұшқырлығын жетілдіру, іскерлік қабілетін шыңдау  мақсатында "ХХІ ғасыр көшбасшысы" интеллектуалды сайыс ұйымдастырылып, өткізілді.

Әлия Молдағұлова атындағы орта мектебінде 1 қазан Қарттар күніне орай директордың тәрбие ісі жөніндегі орынбасары  Ш. Илкибаева және 8 сынып оқушылары ауылымыздағы Исахан ата мен Бибінұр апамыздың отбасына барып, үй шаруасына көмектесіп, ауласын тазалап, отын аралап қолқабыс етті. Ауыл қариялары балаларға ризашылықтарын білдіріп, ақ батасын берді. Қарттарымыз аман, аспанымыз ашық болсын!

Әлия Молдағұлова атындағы орта мектептің "Жас Ұлан" ұйымы оқушылары мен тәлімгер Қарлығаш Нұрманова "1 - қазан қарттар күні" мерекесіне орай, ауыл қариялары Бишалов Азнабай ата мен Орынгүл апайды мерекесімен құттықтап ,құрмет көрсетті.

Шу аудандық білім бөлімінің әдістемелік кабинетінің 2021-2022 оқу жылының оқу пәндері бойынша өткізілетін айлық кестесіне сай Әлия Молдағұлова атындағы орта мектебінде қазан айында  "Бастауыш сыныптар" айлығы  өтіп жатыр.

Әлия Молдағұлова атындағы орта мектептің "Жас Ұлан" ұйымы оқушылары 2021 жылы 18- қыркүйек күні " World Cleanup day-2021", "Birge - taza Kazakhstan" Бүкіләлемдік акция аясында мектеп ауласына тазалық жұмыстарын жүргізді. #kieli.tabigat #Birge taza Kazakhstan  #shujasulan #jasulanjambul

Әлия Молдағұлова атындағы орта мектебінде оқушыларды табиғатты қорғауға тәрбиелеу мақсатында 18 қыркүйек  күні World Cleanup day 2021| «Birge – taza Qazaqstan» атты ұранымен ұйымдастырылған акцияға 1-5 сыныптар арасында «Таза болса табиғат,аман болар адамзат», 6 – 9 сыныптар арасында «Табиғатым – тал бесігім» атты сынып сағаттары өткізілді.  

Әлия Молдағұлова атындағы орта мектептің "Жас Ұлан" ұйымы оқушыларына ұйымның мақсат- мiндетi түсіндiрiлiп, оқушылардың дауыс беруiмен мектеп ұланбасысы анықталды. "Жас Ұлан" ұйымының ұланбасысы болып, 8- сынып оқушысы Болат Айым тағайындалды. "Жас Ұлан"  ұйымының жұмысына сәттілік тілейміз!

Әлия Молдағұлова атындағы орта мектебінің кітапханасында "Ауылыма кітап" акциясы ұйымдастырылды. Мектеп оқушыларының кітапқа деген қызығушылығын арттыру мақсатында кітапханамыздың тұрақты оқырманы, ауыл ақсақалы Алшынбаев Исахан атамыз кітапханаға көркем әдеби кітаптар сыйлады.

Әлия Молдағұлова атындағы орта мектебінің кітапханашысы Молдахунова Бану оқушылардың кітап оқуға құштарлығын арттыру мақсатында Қ.Тоқаевтың "Оқуға құштар мектеп" жобасы аясында кітап оқу кестесі бойынша  20 минуттық үзіліс кезінде мектеп оқушылары кітапханаға келіп өздері ұнатқан көркем әдеби кітаптарын, ертегілерін және т.б шығармаларын оқу үрдісін жалғастыру жұмысы жүргізілуде.